A New Home: كمل تشطيب بيتك الجزء الاول - سطح المنزل

A New Home: كمل تشطيب بيتك الجزء الاول - سطح المنزل: اللي انت هتقراه هو مجرد معلومات متجمعه عشان تسهل عليك ترتيب افكارك و انت بتكمل تشطيب بيتك... عايز تشطب بيتك الجديد انصحك تجيب مهندس دي...

A New Home: ١٢ طرار للمطابخ ستذهلك

A New Home: ١٢ طرار للمطابخ ستذهلك: المطبخ طرز المطابخ  كتير و كل طراز ليه مميزاته و عيوبه و له استخداماته كمان                     يعني حسب الاستخدام و المكان و ...

١٢ طرار للمطابخ ستذهلك

المطبخ

طرز المطابخ  كتير و كل طراز ليه مميزاته و عيوبه و له استخداماته كمان                    
يعني حسب الاستخدام و المكان و المناخ و حجم المطبخ و طبيعته.......                    

١- المطبخ الانجليزي
British colonial kitchen

كلاسيك و الخشب هو الخامه الرئيسيه في كل الديكورات و الوحدات                      
يتسم بالأناقة و ينم علي الثراء و لذالك بيبقي فيه دلف زجاج في وحدات مضائه زي الفاترينات لعرض مقتنيات المطبخ القيمه                    

٢- المطبخ الفرنسي
French Kitchen

و يتسم بعدم المبالغه في الاناقه ....... مش بتاع منظره يعني في ناس بتبقي شايفاه فوضوي و مهمل بس الحقيقه ان الفرنسيين عمليين جدا و كل ما هو بيستخدم بصفه مستمرة و ضروري ممكن يبقي مكشوف                    
لازم كل حاجه تبقي قريبه من اللي بيطبخ و مش لازم يبقي كل الحاجه جديده و بتلمع                    
الخامات فيه خشب بردو بس الارفف بتكتر فيه و العليقات الاستانليس.

٣- المطبخ الامريكي
American kitchen

مفهوم خاطئ ان الاميريكان كيتشين هو مطبخ مفتوح الفكره ان الأمريكان بيحبوا ياكلوا الوجبات الخفيفه فيه زي الفطار و البرنش و السناكس فا معظم الوقت بيبقي منه للسفره او غرفه المعيشه و دا اسمه ساعتها مطبخ مفتوح open kitchen                      
له وحده في الوسط بيسموها ألجزيره island و بتبقي high table و ليها كراسي high task اللي بيقولوا عليها كراسي بار و ألجزيره منها بتبقي لتحضير الطعام و منها للاكل عليها                      
لا يفضّل نعمل زي بره و نحط الحوض في الجزيره لان السباكين باسم الله ماشاء الله عندنا هايلين و مبيعرفوش يعملوه و لو ربنا كرمهم و عملوه مشاكله بتظهر مع الوقت و مشاكله خطيره و طبعا لو قررت تعمل البوتاجاز فيه هيبقي عند مشكلتين
الغاز و الشفاط فأحسن حاجه لو هتعملوها فاضيه لتحضير الاكل، و الاكل عليه طبعا، خالينا نفضل فاكرين ان كل نوع ليه مستخدمينه، و مساحته و مكانه و مناخه، و المطبخ المفتوح بالذات و دي نصيحه خاصه النوع دا من المطابخ مش للناس اللي بتحب الاكل المسبك و اللي له ريحه نفاذه و لا للناس اللي عادي عندها تسيب المطبخ يضرب يقلب و حياتها مفيهاش وقت للتنظيف و مفيش شغاله تنضدف دا كل يوم.

٤- مطابخ البحر الأبيض المتوسط
Mediterranean kitchen

دا لمحبي كل الاحجار زي الجرانيت و الرخام، و الحوائط الحجريه هي الخامه الغالبه                      
و بيعتمد بصفه عامه علي المسطحات الكبيره لتحضير الطعام و خاصه لخبز المعجنات                      
و الألوان البني و البيج هي الألوان السائده.

                 

٥- المطبخ اليوناني
Greek kitchen

دا نوع مش كل الناس تعرفه
النوع دا مفيهوش خشب كتير و بيعتمد بشكل أساسي ان كل وحداته مبنيه و الدلف و الأدراج بس هي اللي خشب                    
و الاوان طبعا الأبيض و الازرق و ملوش وحدات علويه خالص علشان اليونانيين كلهم قصيرييين 😂😂

٦- المطابخ الاسباني
Spanish kitchen

الاستر هو الاساس و كله كلاسيك و شبه النيش 😎 و كل الوحدات كلها حجمها ضخم و مبالغ فيه قريب من الانجليزي شوية و بيبقي فيه شغل "خرط" و "قويمه" احيانا بس في تفاصيل أكتر و حجمه اكبر و الارضيه دائما بلاطات يدوي.

٧- المطبخ الريترو
Retro kitchen

 فاكرين إعلانات الثمانينات                      
😂😂😂                    
 هو دا                      
الأجهزه فيه ملونه ألوان زاهيه و حروفها دائما دائرين دائريه (ليست حاده) تحس انك المفروض تقف فيه لابس شارل ستون و شعرك كانيش و قميص مشجر. 😎😎

                   
٨- المطبخ البوهيمي
Bohemian kitchen

دي مش تريقه                      
هو اسمه كذا                      
كدا
أهه                    
علشان كدا بيتريقوا علي الحاجه الآي مش مفهومه و بيقولوا عليها بوهيمي مش منظمه مفيش تناسق مفيش نسب                   بس الغريب انه فيه حاجه حلوه علشان فيه قطع قديمه و الستايل البوهيمي مشهور بالمزرقشات و النقوش و الأقمشة الملونة.

٩- المودرن
Modern
                    
يعني العملي جدا                      
النظيف                      
النعومه و في نفيس الوقت الحواف المدببة
مكعبات                    
و بلوكات                      
مش متقطعه                      
و غالبا لون واحد.

١٠- الروستيك
Rustic kitchen

من الاخر الخربشه و البهتان و القدم هما الصفا المميزه حتي اختيار الاجهزه و الخامات.

١١- المطبخ الصناعي
Industrial kitchen                      

دا بقي مش مفضل قوي بس أهو مطبخ بيأدي الغرض                      
كله مفتح
الاستانليس ستيل هي الخامه الغالبه                      
و وحده الأرفف المفتوح هي الماستر بيس                      
و كل حاجه exposed.

١٢- الاسكانديفي
Scandinavian kitchen

اعتبروه ميكس بين المودرن و الريترو                      
مبسط جدا                    
مفيهوش تفاصيل خالص                      
روقان كدا
زي ما انتوا شايفين كدا                    
وحداته قليله.

١٣- المطبخ المعاصر
Contemporary kitchen

دا بردو ميكس بين المودرن و في تاتش بسيط كدا كلاسيك يعني من الاخر في تفصيله بسيطه تديله حلاوه كدا                
متطعم يعني متقدرش تقول عليه مودرن.

١٤- مطابخ المبسط
Minimalist kitchen

و دا بقي المساحات الصغيره مفيهوش غير الأساسيات فقط و بابسط تصميم                    
كل ما هو لا يأخذ مساحه صغيره.

كدا ال ١٤ نوع مفهومين في طبعا انواع تانيه بس كلها قريبه من اللي ال ١٤ دول                      
في بقي ناس تحب تعمل ميكس بين انواع معينه بس مش كل الأنواع تنفع مع بعض                      
يعني مثلا French Scandinavian rustic مع بعض                      
بكره بقي هنتكلم عن خامات المطابخ ان شاء الله

 قواعد المطبخ السبعه 😄😄 (منقول)

1- يفضل الاستقرار علي تصميم المطبخ قبل تركيب السيراميك عشان توزيع السباكه و الكهرباء يمشوا بناء علي التصميم مش العكس.

2- يفضل ان الحوض يكون تحت الشباك لان الوقفه قصاده بتكون كتييييير ف الضوء اللي داخل منه حاجه ظريفه و لو في ستاره حلوه.

3- لا يفضل ابدااااا ان البوتجاز يكون تحت الشباك لان الهواء هيطفي النار باستمرار.

3- اختيار الاجهزه بلت ان ولا فري ستاند قرار مهم ليه اساسيات

اولا : فرق سعر لان البلت ان اغلي.

ثانيا: ميزه المسطح البلت ان شكل جمالي ده نمره واحد تاني حاجه ان الفرن يكون في مستواكي و انتي واقفه مش بتوطي

ف لو لقيتي مساحه المطبخ هتخليكي تحطي الفرن في الوحدات السفليه يبقي هاتي بوتجاز عادي.

ثالثا: فرن البوتجاز العادي اكبر من فرن البلت ان.

4- مراعاه ارتفاع الوحدات العلويه عن القرصه حوالي 50 سم و لو صاحبه المطبخ طولها من 150-160 يفضل تقل المسافه الي 45 سم.

5-لو مساحه المطبخ كبيره و في جزيره في النص يفضل بلاش يكون فيها حوض لان مشاكل السباكه كتيره في مصر.

6- الفرن البلت ان لازم يكون تحته و فوقه تهويه بتتقفل بوش خشب بيتعمل فيه فتحات و في جريل بتركب في الوزر.

7- الالوان في الضلف حاجه ظريفه انما الالوان الصريحه و القويه زي الاخضر و الاحمر بتزهق بعد فتره.